|
آذربايجانين ميلي – مدني فعاللاريندان اولان حسين نصيري 1389 ايلي نين فروردين آيي نين 13- ده "اورمو گؤلو قوروماسين!" كامپانيياسيندا ايشتيراك ائتدييي اوچون ايران ايطيلاعات قووه لري طرفيندن توتولموشدور.
او، توتولاندان سونرا اوسكو شهرينه آپاريلميش و اورادان دا تبريز ايطيلاعاتينا وئريلميشدير. اوسكو و تبريز محكمه لري حسين نصيري نين موقتي آزادليغا بوراخيلماسينا 130 ميليونلوق وثيقه تعيين ائتميشلر. ميلي – مدني فعال حسين نصيري آغير وثيقه ني محكمه يه وئره بيلمه دييي اوچون هله ده تبريز زيندانيندا ساخلانيلير.
آرتيرماليييق كي، ايران اينقيلاب محكمه لري آذربايجان ميلي – مدني فعاللارينين ايقتيصادي دورومون بيلرك آغير وثيقه لر تعيين ائتمكله فعاللاري و اونلارين عاييله لريني داها آرتيق باسقيلارا معروض قويورلار.
حسين نصيري 1386 – دا مدني چاليشمالارينا گؤره توتولوب 3 آي ايطيلاعات حبسخاناسي و عومومي زينداندا قالميشدير. محكمه طرفيندن 6 آي تعزيري حبس وئريلميشدير.
گوناذپورت
|
)
